PANI

Pani o pani haye re pani, pani teri ajab kahani
Badal se barasata pani, Zaranon se chhalakata pani,
Nadiyon me bhi behata pani, Sagar me bhara he pani
Adhi dharati bhi he pani, Chand pe bhi ab mila he pani,
Bramhand me bhara he pani, Jeevit sharir bhi he pani,
Itana pani fir bhi pani, pani teri ajab kahani.

Taap se tapati, pyasi tadapati dharati bhi mange he pani,
Rah takate bhumi-putra ki ankhen bhi dhundhe he pani,
Bhukhe, pyase, rote bhilakhate bachche bhi mange he pani,
Marate huye budhe ki sanse mang rahi he ganga pani,
Aash lagaye baith huye hum kab barsega wo amrut pani,
Itana pani fir bhi pani, Pani teri ajab kahani,


Nadi, samandar, badal sarova, sab me hua he dushit pani,
jangal kate, Shehar banaye..Pragati ka bhog chadha he pani,
Trakakki karati hamari duniya se ruth gaya he ye pani,
Bazaro me ab bikane laga he, anmol hua he aaj ye pani.
Itana pani fir kahan he pan, Kyun hua he jag se ozal pani.


- Mihir Patel

Meri Khoj

Meri Khoj

Nafrat se tapate iss zehan me, main khoju sheetal pyar ko,
Shak ke bhare khayalon me, main khojata vishvas ko,
Mayusi ke in andheron me, main khoju asha kiran ko,
Gum se dubi soch me, main khoju khusi ke sahare ko,
Maya-jaal mohit man ye mera, khoje uss param satya ko,

Dil dimag ki kashmakas me, main khoju apane aap ko,
Apane aap ki talash me, main khoju usake arth ko,
Us arth ki soch me, main khojata paramarth ko,
Paramarth ki khoj me, main khoju apani atma,
Atma ke bhitar main khoju apana wo paramatma.

Man jo soche, man jo samaje, par khoj na paye parmatma,
Kyun main us man ki ab maanu, dena paye arth satya ka,
Dil me jab jhanka jo maine, khojane wo parmatma,
Dil ki hare ek dhadkano me, khoja wo parmatma,

Sheetal pyar se bhare dil me he parmatma,
Khud pe vishvas ke khayalon me betha he parmatma,
Asha ki nayi kirane leke aata he parmatma,
Khusiyon ke har mauj me, milata he parmatma.

Khoj puri huyi he meri, maine paya apane aap ko.
Dil ki sununga, dil ki karunga aur paunga parmatma.